គួររៀនកាត់ចិត្តតាមវិធីទាំង ៥ នេះបើ Crush បដិសេធ ហើយត្រូវតែ...

ការលួចស្រលាញ់ Crush យូរពេក ហើយគេបដិសេធស្រលាញ់យើងវិញនោះ គួរតែបញ្ចប់ចិត្តនេះទៅ ហើយស្វែងរកអនាគតថ្មីទើបជារឿងល្អប្រសើរ។ ដើម្បីបានចាប់ផ្ដើមអនាគតថ្មីបាន ទាល់តែយើងមានវិធីកាត់ចិត្តចេញពី Crush ឱ្យដាច់សិនផងដែរ។

* ហើយអ្នករាល់គ្នាអាចអនុវត្តន៍តាមវិធីខាងក្រោមនេះបាន៖
១. ចាត់ទុកខ្លួនឯងជា ស្រី/ប្រុស ស្អាត
ទោះគេមិនស្រលាញ់យើងក៏ដោយ ប៉ុន្តែយើងត្រូវចាត់ទុកខ្លួនឯងជា ស្រី/ប្រុសស្អាតម្នាក់ មិនត្រូវឈឺចាប់ជាមួយអតីតកាលនោះទេ។ ធ្វើដូច្នេះហើយ ទើបអ្នកមានមនុស្សថ្មីមកចូលក្នុងឆាកជីវិតរបស់អ្នកបាន។

២. ទទួលស្គាល់ខ្លួនឯង
នៅពេលគេមិនស្រលាញ់យើង មានន័យថាគេឃើញចំណុចអវិជ្ជមានរបស់យើងហើយ ដូច្នេះដើម្បីងាយកាត់ចិត្ត មានតែទទួលស្គាល់ខ្លួនឯងទៅថាអ្នកមិនទាន់ល្អគ្រប់គ្រាន់ក្នុងការ ទាក់ចិត្តគេបាន។

៣. ចាត់ទុក ស្រី/ប្រុស ម្នាក់នោះមិនមែនជាគូ
Crush មិនស្រលាញ់យើងវិញ អីចឹងត្រូវចាត់ទុកគេជាមនុស្ស ស្រី/ប្រុសម្នាក់មិនមែនជាគូទៅចប់ហើយ។ បើនៅតែគិតថាខ្លួនសក្ដិសមជាមួយគេទៀត នោះការឈឺចាប់គ្មានថ្ងៃបំភ្លេចបាននោះទេ។

៤. ខឹងច្រើន នាំតែចាស់
កុំទៅខឹង Crush នាំតែមុខចាស់អី ហើយក៏ឈប់ទៅច្រណែនគេជាមួយ ស្រី/ប្រុស ដទៃដែរទៅ បើគេស្រលាញ់យើងគេខ្វល់ជាមួយយើងហើយ។ ដូច្នេះអ្វីដែលល្អបំផុត គឺកុំគិតច្រើន កុំខឹងច្រើន នាំតែឆាប់ចាស់ទេ។

៥. ត្រូវកំណត់គោលដៅជីវិត
មិនមែន Crush អាចកំណត់គោលដៅរបស់យើងបានទេ ដូច្នេះហើយគួរតែគិតដល់ផ្លូវជីវិតរបស់អ្នកផង។ ប្រសិនបើមានគោលដៅហើយ នោះអ្នកអាចយកចិត្តទុកចំពោះគោលដៅនោះ ហើយអាចបំភ្លេចគេម្នាក់នោះបានហើយ៕