តើគូស្នេហ៍របស់តារាសម្តែងស្រី ដែលចូលចិត្តការស្លៀកពាក់សិចស៊ីបញ្ចេញ​សាច់សខ្ចីគឺ កញ្ញា ដេននី ខ្វាន់ គឺជាអ្នកណា?

ក្រោយពីបានបញ្ចប់ពិធីបុណ្យអុំទូកបាន ១ថ្ងៃ តារាសម្តែង ដែលចូលចិត្តការស្លៀកពាក់សិចស៊ីបញ្ចេញ​សាច់សខ្ចីគឺ កញ្ញា ដេននី ខ្វាន់ បានសម្រុកបង្ហោះរូបថតដើរកំសាន្តជាមួយគូស្នេហ៍យ៉ាងល្អូកល្អឺន រួមជាមួយនឹងសារសរសេរថា “មានមនុស្សជាច្រើនសួរខ្ញុំថាហេតុអីខ្ញុំរើសយកម្នាក់ហ្នឹង ខ្ញុំក៏មិនដឹងឡើយថារើសខុស ឬក៏រើសត្រូវដែរតែបើអោយរើសថ្មីម្តងទៀតខ្ញុំនៅតែរើសយក​ម្នាក់ហ្នឹង​ដដែល.. ព្រោះស្នេហារបស់ខ្ញុំទាំងពីរមិនមែនស្ថិតលើមាត់អ្នកដទៃ​ទេ” ។ បុរសគូស្នេហ៍តារាសម្តែង ដេននី ក្វាន់ ត្រូវបានគេស្គាល់ថា ឈ្មោះ ចាន់ មករា ជាអ្នករកស៊ីជួញដូរ ដែលមានវ័យលើសនាងជិត ១០ឆ្នាំ ។

គូស្នេហ៍មួយគូនេះ ធ្លាប់មានរឿងប្រេះឆា ជាច្រើនលើកច្រើនសារមកហើយ ដោយសារតារាសម្តែង កញ្ញា​ដេននី ក្វាន់ ​ធុញ​ទ្រាន់​នឹងលោក ចាន់ មករា ដែល​ប្រចណ្ឌហួង​ហែង​ហួសហេតុ ប៉ុន្តែក្រោយមកកញ្ញា​ ដេននី ក្វាន់ បានមកស្រាយថា “ការប្រេះឆាកន្លងមកដោយសារតែមានមនុស្សចិត្តមារ​ព្យាយាមចង់បំបែក​ស្នេហាយើង” ។

នាថ្ងៃចុងក្រោយនៃពិធីបុណ្យអុំទូក ​តារាសម្តែងសិចស៊ីចូលចិត្តសម្ញែងដើមទ្រូងរូបនេះ បានសារភាពលើបណ្តាញសង្គមហ្វេសប៊ុកថា “មិនអាចជ្រើសរើសយកអ្នកថ្មីបានទេ ខ្ញុំសុខចិត្តធ្វើព្រះនាងរបស់ប្តីអ្នកក្រ ប្រសើរជាងធ្វើទាសករប្តីអ្នកមាន” ។ នាងបានសរសេរបន្ថែមថា “គ្មានពាក្យថាស្តាយក្រោយដែលមានបងជាសង្សារបស់អូន ទោះអ្នកដទៃមើលមកបង មិនល្អ មិនស្អាត មិនសង្ហារ មិនមែនជាឧកញ៉ា ឬ ឯកឧត្តម តែសម្រាប់នារីម្នាក់នេះ តែងតែមើលឃើញ​ចំណុចល្អរបស់បងកើនឡើងពីមួយថ្ងៃទៅមួយថ្ងៃ ដោយទង្វើល្អនឹងចិត្តស្មោះត្រង់របស់បង” ៕