វិធីសាស្រ្តដើម្បីធ្វើឱ្យផ្ទៃមុខរបស់អ្នកសម៉ត់រលោងគ្មានស្នាមអុជខ្មៅ តាមបែបធម្មជាតិ...

កាន់តែមានទំនុកចិត្តលើខ្លួនឯង!!! សាកល្បងវិធីមួយនេះ ផ្ទៃមុខអ្នកនឹងសស្អាតម៉ត់រលោងលែងមានស្នាមអុជខ្មៅទៀតហើយ...

ថ្ងៃនេះ! Anajakkonkhmer នឹងប្រាប់អ្នកពីវិធីធ្វើទឹកកកប៉េងប៉ោះ ដែលនឹងមិនត្រឹមតែធ្វើឱ្យផ្ទៃមុខអ្នកសម៉ត់រលោងគ្មានស្នាមអុជខ្មៅ ប៉ុណ្ណោះទេ តែជាតិត្រជាក់របស់វា នឹងទៅជួយសម្រួលចរាចរណ៍ឈាមផងដែរ។

- ជំហ៊ានទី 1៖ ប៉េងប៉ោះខាត់ស្បែក
*គ្រឿងផ្សំ៖ ប៉េងប៉ោះ + ទឹកឃ្មុំ + ស្ករស

*ការណែនាំ:
លាយស្ករស 2ស្លាបព្រាកាហ្វេជាមួយទឹកឃ្មុំ 1ស្លាបព្រាកាហ្វេចូលគ្នាឱ្យសព្វ រួចលាបលើបន្ទះប៉េងប៉ោះ។ យកវាមកដុសញីលើមុខរបស់អ្នករយៈពេល10នាទី បន្ទាប់មកលាងមុខរបស់អ្នកជាមួយនឹងទឹកត្រជាក់ វិធីខាងលើជួយសម្អាតស្រទាប់ស្បែកខូច និងខ្មៅស្រអាប់ឱ្យអស់ពីលើផ្ទៃមុខ។

- ជំហ៊ានទី 2៖ ម៉ាស្សាជាមួយប៉េងប៉ោះកក
*ការណែនាំ:
យកទឹកក្រូចឆ្មា 2-3ដំណក់ដាក់ចូលលាយជាមួយទឹកប៉េងប៉ោះ រួចចាក់ចូលក្នុងពុម្ព ហើយដាក់បង្កកក្នុងទូរទឹកកករយៈពេល 3-4ម៉ោង។ អ្នកគ្រាន់តែយកវា 1ដុំមកដុសញីលើផ្ទៃមុខរយៈពេល 10នាទី។

- ជំហ៊ានទី 3៖ ម៉ាស់បិតមុខ
យកម្សៅដីឥដ្ឋ 2ស្លាបព្រាកាហ្វេពេញៗលាយជាមួយទឹកដោះគោ (យ៉ាអួ) 1ស្លាបព្រាកាហ្វេ និងទឹកដោះគោខាប់ 1ស្លាបព្រាកាហ្វេ។ កូរឱ្យសព្វចូលគ្នាជាការស្រេច។ លាបវាពេញលើផ្ទៃមុខរបស់អ្នក និងរង់ចាំរយៈពេល 15នាទី។ លាងសម្អាតផ្ទៃមុខរបស់អ្នកនឹងទឹកធម្មតា៕