អ្នកត្រូវតែដឹងតិចនិក៥ចំនុចនេះ ដើម្បីការពារមេរោគមិនអោយឆ្លងចូលបណ្ដាញសង្គមអ្នកបាន!

ម្សិលមិញ មានការរាតត្បាតមេរោគប្រភេទ Trojan លើកម្មវិធីបណ្ដាញសង្គម Facebook ដែលវាមានលទ្ធភាពអាចចូលលួចយកព័ត៌មានទាំងអស់នៅក្នុងកុំព្យូទ័ររបស់អ្នកប្រើប្រាស់ ហើយមានកម្មវិធីកំចាត់មេរោគតិចតួចណាស់អាចចាប់វាបាន។

ដើម្បីជៀសឆ្ងាយពីការវាយប្រហារផ្សេងៗ អត្ថបទនេះនឹងនិយាយបន្ថែមជាថ្មីពីការបង្ការខ្លួនពីការវាយប្រហារនានា សម្រាប់អ្នកប្រើប្រាស់បណ្តាញសង្គម។

លោក អ៊ូ ផាន់ ណារិទ្ធ អ្នកជំនាញផ្នែកប្រព័ន្ធសុវត្ថិភាពនិងជាសាស្ត្រាចារ្យផ្នែកព័ត៌មានវិទ្យា បានចែករំលែកតិចនិកខ្លះៗ ដើម្បីការពារខ្លួន៖

ប្រើប្រាស់ពាក្យសម្ងាត់ដែលខ្លាំងចាប់ពី ៨ តួអក្សរឡើង (ដែលមានតួអក្សរ លេខ និមិត្តសញ្ញាបញ្ចូលគ្នា)
ដាក់ដំណើរការមុខងារផ្ទៀងផ្ទាត់ពីរស្រទាប់ (2 Factor Authentication) បើសិនអ្នកប្រើប្រាស់ iPhone
មិនត្រូវចុចទៅលើតំណរភ្ជាប់ (link) ឬព័ត៌មានណាដែលគួរឲ្យសង្ស័យ ឬមានប្រភពមិនច្បាស់លាស់
ត្រួតពិនិត្យទៅលើសារដែលផ្ញើរមកតាម Facebook Messenger ឲ្យបានច្បាស់លាស់ ឬបើអាចសូមធ្វើការផ្ទៀងផ្ទាត់ជាមួយអ្នកដែលបានផ្ញើរអ្វីមកអ្នកជាមុនសិន!
សូមគិតឲ្យបានពីរ ឬបីដងមុននឹងចុចទៅលើអ្វីមួយ ៕