ការបាញ់កាំរស្មីឡាស៊ែរអោយលិង្គខ្មៅជាំស្រអាប់ ប្រែជាសស្រស់ស្អាត កំពុងល្បីយ៉ាងខ្លាំងនៅប្រទេសថៃ!

 

ប្រទេសថៃ៖ បុរសជនជាតិថៃជាច្រើននាក់បាននាំគ្នាទៅកាន់គ្លីនិកមួយនៅក្នុងទីក្រុងបាំងកក ដើម្បីទទួលបានសេវាកម្មថែសម្ផស្សថ្មីមួយគឺសេវាកម្មធ្វើឲ្យលិង្គសស្អាត។

គ្លីនិកដែលផ្តល់សេវាកម្មថ្មីនេះមានឈ្មោះថា The Lelux Hospital ដែលមានទីទាំងស្ថិតនៅក្នុងកណ្តាល ទីក្រុងបាំងកកប្រទេសថៃ។ បើតាមតំណាំងរបស់គ្លិនិកខាងលើបានឲ្យដឹងថា​ សេវាកម្មថ្មីនេះត្រូវបានគេប្រើប្រាស់កាំរស្មីឡាស៊ែរ ដើម្បីសម្អាតជុំវិញតំបន់ប្រដាប់ភេទបុរស និងធ្វើឲ្យតំបន់ជុំវិញប្រដាប់ភេទ រួមទាំងប្រដាបភេទសស្អាតជាងធម្មតា។

ការពិតទៅគ្លីនិកមួយនេះបានចាប់ផ្ដើមផ្តល់សេវាកម្មថ្មីមួយនេះទៅកាន់អតិថិជនរបស់ខ្លួនរយៈ​ពេលប្រមាណ៦ខែមកហើយ ​ ។

ដែលជាមធ្យមមានអតិថិជនប្រមាណជា៣ទៅ៤នាក់ក្នុងមួយថ្ងៃមកប្រើប្រាស់សេវាកម្មនេះ។ បុរសដែលជាអតិថិជនរបស់គ្លិនិកមួយនេះ គឺជាក្រុមមនុស្សប្រុស ដែលមានអាយុចន្លោះពី២២ឆ្នាំទៅដល់៥៥ឆ្នាំ។ សម្រាប់តម្លៃសម្រាប់សេវាកម្មសម្អាត និងធ្វើតំបន់ប្រដាប់ភេទឲ្យសស្រស់ស្អាតនេះគឺមានតម្លៃ៦៥០ដុល្លារ។

មកទល់នឹងពេលនេះសេវាកម្មថ្មីនេះហាក់កំពុងទទួលបានការចាប់អារម្មណ៍ខ្លាំងពីសំណាក់​អតិថិជនជាច្រើននាក់ ហើយគ្លីនិកខាងលើរំពឹងថា អតិថិជនរបស់ខ្លួននឹងបន្តកើនឡើងនៅពេលខាងមុខនេះ៕