តើអ្នកដឹងឬទេថា ភ្នែកអាចប្រាប់អ្នកអំពីជំងឺដាច់សរសៃឈាមក្នុងខួរក្បាល និងគាំងបេះដូងបាន!

តើអ្នកដឹងឬទេថា ភ្នែកអាចប្រាប់អ្នកអំពីជំងឺដាច់សរសៃឈាមក្នុងខួរក្បាល និងគាំងបេះដូងបាន!

ដាច់សរសៃឈាមក្នុងខួរក្បាល និងគាំងបេះដូងគឺជាប្រភេទជំងឺដែលអាចសម្លាប់​ជនរងគ្រោះ​ក្នុងរយៈពេលខ្លីបំផុត ប្រសិនបើគ្មានការសង្រ្គោះបន្ទាន់ណាមួយត្រូវបាន ធ្វើឡើងនោះទេ។ មានកត្តាជាច្រើនដែលបង្កឲ្យមានជំងឺដាច់សរសៃឈាមក្នុងខួរក្បាល និងគាំងបេះដូង។

* កត្តាចម្បងៗ ដែលត្រូវបានគេកត់សម្គាល់មានដូចជា៖
- ការជក់បារីច្រើន
- ការទទួលទានគ្រឿងស្រវឹងច្រើនហួសប្រមាណ​
- ខ្វះលំហាត់ប្រាណ និង
- ទម្លាប់នៃការទទួលទានអាហារដែលគ្មានសុខភាពជាដើម។


ការពិតយើងអាចការពារខ្លួនពីជំងឺទាំង ២ ខាងលើបានបើសិនជាយើងបានដឹងពីសញ្ញាដំបូង របស់ពួកវា។

ដើម្បីសម្គាល់ថា អ្នកនឹងក្លាយជាជនរងគ្រោះនៃជំងឺទាំងនេះឬអត់ មានការសិក្សាមួយបានណែនាំ អ្នកធ្វើការកត់សម្គាល់ក្នុងគ្រាប់ភ្នែករបស់ខ្លួនឯង ។

ក្នុងគ្រាប់ភ្នែករបស់យើងក៏មានសរសៃឈាមដែរ ហើយក្នុងករណីដែលសរសៃឈាមក្នុងគ្រាប់ភ្នែក​របស់អ្នក​ចាប់ផ្តើមរីកធំ ប្រាកដណាស់ថាអ្នកនឹងក្លាយជាជនរងគ្រោះនៃជំងឺដាច់សរសៃឈាម​ក្នុងខួរក្បាល និងគាំងបេះដូងនៅពេលខាងមុខជាមិនខាន។

ស្ថិតក្នុងលក្ខខ័ណ្ឌនេះ អ្នកត្រូវទៅជួបគ្រូពេទ្យជាបន្ទាន់ដើម្បីស្វែងរកដំណោះស្រាយ៕